DAVAO POLICE TO RESUME ‘OPLAN TOKHANG’ VS. DRUG PUSHERS, USERS

BY LEO VILLAREAL

Balikon sa kapulisan sa Davao ang “tokhang”.
Ang maong programa unang gisugdan sa termino ni Senior Supt. Ronald de la Rosa, ang kanhi hepe sa Davao City Police Office (DCPO).

LEO VILLAREAL, Davao City Information Officer
LEO VILLAREAL, Davao City Information Officer

Ang tokhang gikan sa mga pulong nga “toktok” ug “hangyo” diin ang mga pulis manuktok sa mga pinuy-anan sa mga gidudahang tigpayuhot ug iligal nga drugas aron hangyoon sila nga moundang na.
Kadaghanan niadtong gituktok ningsanong sa hangyo apan duna gihapoy uban nga nagpadayon.
Ang pagbalik sa tokhang gipahibaw atol sa pagtaho sa DCPO sa mga kalihukan niini batok sa drugas ug uban pang mga kampanya sa 2014.
Nasikop sa DCPO ang kapin P440-milyones nga kantidad sa iligal nga drugas nga kapin 60 pil-a ang nasikop sa 2013.
Hinuon, gipasabot ni Senior Insp. Milgrace Driz nga ang kalit nga pagsaka tungod sa nahipos nga cocaine nga gisud sa 60 ka mga putos sud sa pantalan sa Sumifru.
Midugang ang tigpamaba sa DCPO nga ang gipangusgan nga kampanya sugdan sa tulo ka mga dapit nga gialagaran sa mga buhatan sa pulis sa Sta. Ana, San Pedro ug Talomo.
Siya nagkanayon nga ang direktiba nga ibalik ang tokhang gikan kang Senior Supt. Vicente Danao, ang hepe sa DCPO.
Uban sa Philippine Drug Enforcement Agency, ang DCPO mihimo ug 510 ka mga operasyon sa miaging tuig, labaw pa ug 132 kon itandi sa gisundan niini.
Gawas sa nahipos nga cocaine, nailog ang balor P22.110-M nga kantidad sa shabu.
Ang way pu-as nga kampanya batok sa iligal nga drugas ug ubang matang sa kriminalidad maoy nakapaaghat sa daghang mga Pilipino nga manawagan kang Mayor Rodrigo Duterte nga modagan pagka-presidente sa 2016.
Wa matarog niini si Duterte kinsa mihatag ug daghang mga rason lakip na ang iyang edad, panglawas, kwalipikasyon ug lakip na ang kakuwang sa pundo.
Hinuon, nagkakusog ang kalihukan sa iyang mga dumadapig kinsa nagtuo nga si Duterte ra ang dunay kaisog nga makigbugno sa mga sindikato nga nag-anam kadaku lakip na kadtong nasud na unta sa bilangguan.
Sumala pa sa usa ka kanhi sa sakop sa Kabinete sa dihang gipangutana kung kinsay iyang paluyohan kung di modagan si Duterte, mopahuway na lang kuno siya sa iyang umahan kay nagpareho ra kuno ang uban nga gustong ma-presidente.

Advertisements

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s